07.08.2023

Trainingslager St- Moritz Tag 1

Die LKZ-Athleten weilen derzeit im Nachwuchslager in St. Moritz. Was sie dabei so erleben, berichten sie uns in  Tagesberichten:

Endlich isch es sowiit und mir chönd wieder St. Moritz begrüesse. Am 10.30h hemmer üs mit enormer Vorfreud bi de Liechtathletikalag troffe. Pünktlich am 10.45h hed de Car-Chauffeur ufs Gaspedal druckt. St. Moritz mer chömed! Churz vor de Mittagspause simmer im Stau stecke blobe. Mit chliner Verspöttig hemmer dene s Z‘Mittag chöne gnüsse trotz rege. Am 12.45h isch de Treffpunkt wieder bim Car gsi. Abgfahre simmer aber erst siebe Minute spöter, wil de Chauffer sich sinne 45 minütigi Pause het müsse gönne. Nach erneutem Stau, hemmer dene die wunderschöni, kurvigi, langi und steili Passstrass überquert. Gott sei Dank isch s Ässe niemertem oppsi cho. Und dene isches sowiit gsi und de jährlich Stress mit de Zimmeriiteilig het agfange (vilicht isch das aber au nur üs so gange). Nachdem mer üs im Zimmer für CHURZI ZIIT iiläbe hend chöne und zum Teil ned mal hend chöne s Bett ahzieh, isch es den uf en lockeri Joggingrundi gang. Aso locker wär zumindest plant gsi. Nachdem mers alli zum Glück überlebt hend, isch es um de Duschistress gange. Am 18.15h hemmer chöne s Buffet mit Salat und Pastaplausch stürme. Am 20.00h isch dene de nechsti Treffpunkt gsi, wo de Florin und de Beat ihri Infos abebtätheret hend. Nachher hemmer en lagi Freiziit gah, wo mer hend chöne mache was mer wend. Am 22.00h hend alli U14 und U16 Lüüt müsse i ihrem Zimmer si. Am 22.30 wär d Nachtruhe plant gsi. Und jetzt schlafemer mit eme fröhliche Gfühl und Vorfreud uf die nechsti Wuche ih. Guet Nacht!

Ella, Ladina, Fiona