12.08.2022

Lagerbericht aus St. Moritz Teil III

Mittwoch, 10.08.2022, Bericht von Fiona, Julia, Jona, Estelle

Am 9:15 isch es für üs mit em Bus und em Bähndli uf de Corviglia gange. Motivation fürs KZI isch bi allne,bis uf Usnahme, i de Jugi blibe. Dobe acho simmer vom chalte Wind und de Chüe begrüesst worde. Nachher hämmer üs i Gruppe zum ränne oder trainiere ufteilt. Für die meiste isch es mit em strenge KZI wiitergange. Nach drüü mal lange sächs Minute hämmers gschafft und es isch wieder zrugg gange. Acht vo de supertolle U16 Girls sind id Sunne go en gwunneni Pizza abeschletzte (gsponseret vom Bru), währenddesse de Rescht Gnocchis gässe het. Spöter am Tag hemme leider kei Tischis becho, defür en exklusive LKZ Turnsack vo de Johanna. Wiiter isch es mit Fotoschooting gange und denn ab is Hallebad go de Muskelkater entferne. Am Abig hets langersehnte  Schnipo gäh.

Gwünner vo de geschtrige Schnitzeljagt sind: „kei Angst isch nume Schweps“. Als Priis bechömmet sie es Dessert bim Pizza ässe. S Abig programm sind diversi Spieli gsi, organisiert vo de Vanessa. Viele Dank für d Organisation und de luschtigschti Abig. Am halbi elfi isch pfuse agseit gsi, aber wer het das scho gmacht?